Երևան`   +6 °C
Այսօր`   Երեքշաբթի, 19 մարտի, 2024 թ.

ԱՀԿ-ում հայտնել են՝ երբ է ավարտվելու կորոնավիրուսի համավարակը

2495
Ուրբաթ, 05 մարտի, 2021 թ., 14:55
ԱՀԿ-ում հայտնել են՝ երբ է ավարտվելու կորոնավիրուսի համավարակը

Կորոնավիրուսի համավարակի ավարտին կարելի է սպասել 2022 թվականի սկզբին, հայտարարել է Առողջապահության համաշխարհային կազմակերպության (ԱՀԿ) եվրոպական բաժնի ղեկավար Հանս Քլյուգեն՝ Die Welt պարբերականին տված հարցազրույցում:

Նրա խոսքով՝ 2021-ը կլինի ևս 1 COVID-19-ի տարի, սակայն արդեն ավելի կանխատեսելի և կառավարելի:

«2020 թվականը Terra incognita էր՝ գիտական և քաղաքական անհայտություն. 1 տարի անց մենք ավելի շատ բան գիտենք։ Ունենք գործիքներ, ախտորոշիչ ծրագրեր, պատվաստանյութ։ Ես ելնում եմ նրանից, որ 2022 թվականի սկզբին համավարակը կավարտվի»,- ասել է Քլյուգեն։

Ընդ որում՝ ինչպես ընդգծել է մասնագետը, դա չի նշանակում, որ վիրուսը կվերանա։ Նա նշել է, որ պատվաստման հարցում անհրաժեշտ է «եվրոպական համերաշխություն»։