Երևան`   +10 °C
Այսօր`   Երկուշաբթի, 16 նոյեմբերի, 2026 թ.

«Այս հարցում մեր թուրք գործընկերների հետ միանգամայն ընդհանուր դիրքորոշումներ ունենք». Լավրով

1279
Երեքշաբթի, 29 դեկտեմբերի, 2020 թ., 19:35
«Այս հարցում մեր թուրք գործընկերների հետ միանգամայն ընդհանուր դիրքորոշումներ ունենք». Լավրով

Ռուսաստանն ու Թուրքիան համակարծիք են, որ Լեռնային Ղարաբաղում իրավիճակը չպետք է օգտագործվի օտարերկրյա վարձկանների՝ տարածաշրջան ներթափանցման համար։ Այս մասին հայտարարել է ՌԴ ԱԳ նախարար Սերգեյ Լավրովը՝ Թուրքիայի ԱԳ նախարար Մևլութ Չավուշօղլուի հետ բանակցություններից հետո։
«Մեր ընդհանուր կարծիքն այն է, որ Լեռնային Ղարաբաղում իրավիճակը չպետք է օգտագործվի այդ տարածաշրջան օտարերկրյա վարձկանների ներթափանցման փորձերի համար։ Այս հարցում մեր թուրք գործընկերների հետ միանգամայն ընդհանուր դիրքորոշումներ ունենք»,- ասել է նա։
«Ողջունում ենք Անկարայի ձգտումը՝ աջակցելու հակամարտության կողմերի կողմից պարտավորությունների կատարմանը՝ մասնավորապես, նոյեմբերի 9-ին Ռուսաստանի, Ադրբեջանի նախագահների և Հայաստանի վարչապետի կողմից ստորագրված պայմանավորվածության շրջանակներում»,- ընդգծել Է նախարարը:
Լավրովը հիշեցրել է, որ Ղարաբաղում ռուս-թուրքական համատեղ կենտրոնն ստեղծվում է Ռուսաստանի և Թուրքիայի նախագահների պայմանավորվածությունների արդյունքում և այժմ այն իրականացման գործընթացում է: