Երևան`   +11 °C
Այսօր`   Երկուշաբթի, 16 նոյեմբերի, 2026 թ.

Թրամփի կողմնակիցները նրա «2-րդ երդմնակալությունը» կանցկացնեն հունվարի 20-ին

1206
Երեքշաբթի, 22 դեկտեմբերի, 2020 թ., 18:45
Թրամփի կողմնակիցները նրա «2-րդ երդմնակալությունը» կանցկացնեն հունվարի 20-ին

Դոնալդ Թրամփի հազարավոր կողմնակիցներ ծրագրում են նրա վիրտուալ «2-րդ երդմնակալությունն» անցկացնել ԱՄՆ նորընտիր նախագահ Ջո Բայդենի երդմնակալության օրը:

Ավելի քան 60 հազար մարդ Facebook-ի էջում նշել է, որ ծրագրում է մասնակցել միջոցառմանը, որը հայտարարվել է որպես «նախագահ Դոնալդ Թրամփի երդմնակալության 2-րդ արարողություն»: Ավելի քան 260 հազար մարդ միջոցառման էջում «հետաքրքրում է» նշանն է դրել։

«Մենք 325 հազար մասնավոր անձանց խումբ ենք, մեր աջակցությունն ենք ցույց տալիս նախագահ Դոնալդ Թրամփին։ Մենք ոչ մի կապ չունենք որևիցե պաշտոնական կազմակերպության հետ»,- ասվում է էջի նկարագրության մեջ։

Նշվում է, որ միջոցառումը նախատեսված է հունվարի 20-ի կեսօրին: Նույն ժամանակ պետք է կայանա ԱՄՆ նորընտիր նախագահ Ջո Բայդենի երդմնակալության արարողությունը։
Facebook-ը հիշեցում է ավելացրել միջոցառման էջում՝ «Ջո Բայդենն ընտրված նախագահն է։ Նրա երդմնակալության արարողությունը տեղի կունենա 2021-ի հունվարի 20-ին»։