«Ձեր տրամաբանությամբ՝ մենք 94-ից ի վեր ու առհավետ պետք է լինենք ռազմական դրության պայմաններում». Գորգիսյանը` Իգիթյանին
![]() Խորհրդարանը քննարկում է «Լուսավոր Հայաստան» խմբակցության հեղինակած «Ռազմական դրությունը վերացնելու մասին» օրենքի նախագիծը, որը, հիշեցնենք, պաշտպանության և անվտանգության հարցերի մշտական հանձնաժողովի երեկվա նիստում բացասական եզրակացության էր արժանացել: «Կարող ենք հետաձգել մի քանի օրով, եթե դրա կարիքը կա, բայց Կառավարությունն այսօր ունի նիստ ու կարող է ընդունել համապատասխան որոշումները, որոնց կարիքը կա ու որի համար ուներ 17 օր ժամանակ: Երեկ ես Կառավարությանը խնդրեցի ընդունելի ժամկետը նշել, որպեսզի էն իրավական ակտերը, որոնք գտնում են, որ պետք է ընդունեն, ընդունվեն, բայց որևէ առաջարկ Կառավարությունից չենք ստացել»,- ասաց պատգամավորը: Իմքայլական Հովհաննես Իգիթյանը հարցրեց. «Եթե հարց եք բարձրացնում, որ ռազմական դրության ռեժիմը պետք է հանվի, նշանակում է, որ այն վտանգը, ինչի պատճառով մտցվեց, գոյություն չունի: Ձեր կարծիքով՝ վտանգը վերացե՞լ է, Ադրբեջանը դադարել է լինել ագրեսիվ, Թուրքիան դադարել է լինել լկտի՞»: Գորգիսյանն արձագանքեց. «Ձեր տրամաբանությամբ՝ մենք 94-ից ի վեր ու առհավետ պետք է լինենք ռազմական դրության պայմաններում, քանի որ մենք շրջապատված ենք ագրեսիվ հարևաններով, որոնք միշտ հայտարարել են, որ ընդհուպ մինչև Երևանը պետք է գրավեն... Ամսի 9-ին ստորագրված կապիտուլյացիոն ակտից հետո եղել են հայտարարություններ՝ ՀՀ վարչապետի, ՌԴ նախագահի, ՌԴ ԱԳ նախարարի կողմից, որ տարածաշրջանում այլևս անվտանգ է ու տրվել են երաշխիքներ, այդ թվում՝ ունենք ՌԴ խաղաղապահներ Արցախում: Եթե Դուք պնդում եք, որ վարչապետը սխալվել է կամ սուտ է ասել, կամ ՌԴ նախագահին կամ ԱԳ նախարարին չեք վստահում, ի՞նչ կարող եմ ասել, էլ ո՞ւմ կարող եք վստահել, եթե ոչ՝ ձեր ռազմավարական գործընկերոջն ու վարչապետին»: |

Իրավիճակը՝ ՀՀ ճանապարհներին
3509:18
Առանձին շրջաններում սպասվում են տեղումներ (լուսանկար)
10207:24
«Եթե չկա պատերազմ, Հայաստանում կարող է հաղթել միայն այն ուժը, որը կլինի Ալիևի դաշնակիցը». Արգիշտի Կիվիրյան
18303:24
«Հայաստանյան ցանկացած տղամարդ չէր կարող չարձագանքել այն կերպ, ինչ կերպ արձագանքեց Բորիսը». Մհեր Հակոբյան
18400:36
«Ձեռքերը հեռու լրատվամիջոցներից». Չեխիայում անց է կացվել 40 տարվա ընթացքում ամենամեծ բողոքի ցույցը
24800:25
Օրբանի կառավարության օրոք աշխատած նախարարը 20 միլիոն դոլար է թաղել անտառներում և ֆերմաներում (լուսանկար)
381Երեկ, 22:43
