Հռոմի պապը Արցախում տեղի ունեցողը ողբերգություն է անվանել

Հռոմի Ֆրանցիսկոս պապը սուրբ Պետրոսի տաճարում իր կիրակնօրյա աղոթքի ժամանակ կոչ է արել կաթոլիկներին չմոռանալ Լեռնային Ղարաբաղում տիրող իրավիճակի մասին, որտեղ շարունակվում են ռազմական գործողությունները:

«Դա ողբերգություն է»,- ասել է նա:

Պապը նշել է, որ բախումների հետեւանքով ավիրվում են բնակելի տներ, եկեղեցիներ, ռազմական գործողությունների հետ ավելի շատ բախվում է խաղաղ բնակչությունը:

Հռոմի պապը հակամարտող կողմերին կոչ է արել «դադարեցնել անմեղների արյուն թափել» և դիմել սրբերին, «որոնք պետք է տարածաշրջանին խաղաղություն բերեն»: