Աշխարհում կորոնավիրուսով վարակվածների թիվը գերազանցել է 17 միլիոնը

Համաձայն Ջոնս Հոփքինսի համալսարանի տվյալների՝ հուլիսի 30-ի դրությամբ աշխարհում կորոնավիրուսով վարակվածների թիվը հատել է 17 միլիոնը, և այժմ կազմում է 17 031 281 մարդ, մահացածների թիվը՝ 667 060 է։ Բոլոր դեպքերի կեսը բաժինը է ընկնում երեք երկրի՝ ԱՄՆ-ին, Բրազիլիային և Հնդկաստանին։ Կորոնավիրուսի համավարակի գլխավոր էպիկենտրոնը շարունակում է մնալ ԱՄՆ-ը, որտեղ վարակակիրների ընդհանուր թիվն արդեն կազմում է 4 426 982 մարդ, մահացել է ավելի քան 150 հազար հիվանդ: Բրազիլիայում վարակակիրների ընդհանուր թիվը 2 552 265 է, մահացել է 90 134 մարդ, իսկ Հնդկաստանը երրորդ տեղում է՝ 1 581 963 դեպքով: Վարակման ամենաշատ դեպքեր ունեցող երկրների տասնյակում են նաև Ռուսաստանը, Հարավաֆրիկյան Հանրապետությունը, Մեքսիկան, Պերուն, Չիլին, Իսպանիան և Մեծ Բրիտանիան։