Բրազիլիայում մեկ օրում վարակվել է 67 860 մարդ

Կորոնավիրուսով վարակվածների և մահացության դեպքերով Լատինական Ամերիկայում առաջին, իսկ աշխարհում երկրորդ տեղը զբաղեցնող Բրազիլիան օրական նոր ռեկորդ է սահմանում, գրում է RBC-ն։ Լատինաամերիկյան այս երկրում վերջին 24 ժամում արձանագրվել է հիվանդության 67 860 դեպք, մեկ օրում մահացել է 1 284 մարդ:

Վերջին 24 ժամվա ընթացքում վարակակիրների ամենամեծ թիվը (16 777) արձանագրվել է Սան Պաուլո նահանգում։

Ըստ Worldmeter կայքի վիճակագրության՝ Բրազիլիայում արձանագրվել է կորոնավիրուսի 2 231 871 դեպք, ապաքինվել է 1 532 138 բուժառու, մահացել՝ 82 890 հիվանդ։