Չինաստանը կորոնավիրուսով հիվանդի բուժման համար ծախսում է 3200-ից մինչև 140 հազար դոլար

Չինաստանի կառավարությունը կորոնավիրուսով հիվանդին բուժելու համար միջինը ծախսում է 23000 յուան (շուրջ 3200 դոլար), որոշ դեպքերում ծանր հիվանդի բուժման համար անհրաժեշտ է լինում 140 հազար դոլար, գրում է Коммерсантъ-ը՝ հղում անելով ՉԺՀ պետխորհրդի մամուլի ծառայության կողմից հրապարակված «Covid-19-ի դեմ պայքար. Չինաստանի գործողությունները» սպիտակ գրքի տվյալները:
Միջին հաշվարկով ծանր վիճակում գտնվող մեկ հիվանդի համար ծախսվում է մոտ 21,2 հազար դոլար, իսկ ընդհանուր առմամբ՝ համաճարակի դեմ պայքարի համար Չինաստանում հատկացվել է մոտ 22,9 միլիարդ դոլար: Վերջին տվյալներով՝ Չինաստանում գրանցվել է կորոնավիրուսի 83036 դեպք, վարակման հետևանքով մահացել է 4634 մարդ: