Երևան`   +22 °C
Այսօր`   Երկուշաբթի, 01 հունիսի, 2020 թ.

Հերթական առցանց վարպետաց դասը կվարի Սերգեյ Նակարյակովը

720
Կիրակի, 10 մայիսի, 2020 թ., 11:05
Հերթական առցանց վարպետաց դասը կվարի Սերգեյ Նակարյակովը

Հայաստանի պետական սիմֆոնիկ նվագախումբը շարունակում է «Մաեստրո» վարպետաց դասերի շարքը։ Նախագծի երկրորդ առցանց դասը տեղի կունենա մայիսի 11-ին և կվարի մեր ժամանակների փայլուն շեփորահարներից մեկը՝ Սերգեյ Նակարյակովը։

Իր վիրտուոզության և կատարողական ինքնատիպ ոճի համար նրան անվանել են «Շեփորի Պագանինի» կամ «Շեփորի Կարուզո»։ Սերգեյ Նակարյակովը հանդես է եկել աշխարհի ամենահեղինակավոր բեմերում և ելույթ է ունեցել աշխարհի առաջատար նվագախմբերի, դիրիժորների և երաժիշտների հետ։

Վարպետաց դասին միանալու‚ ինչպես նաև այլ մանրամասների կարելի է ծանոթանալ Հայաստանի պետական սիմֆոնիկ նվագախմբի ֆեյսբուքյան էջում։