«Վիրուսոլոգը պնդում է՝ այդ վիրուսը Ուհանի ծովամթերքի շուկայից չի դուրս եկել». Նաիրի Հոխիկյան

Միջէթնիկ հակամարտությունների փորձագետ Նաիրի Հոխիկյանը ֆեյսբուքյան իր էջում գրել է. «COVID-19-ի մասին գիտական հանրության քննարկումներն ուղեկցվում են նոր բացահայտումներով, սակայն դրանց կողքին ընթանում է մի գործընթաց, որը կարծես լրջորեն անհանգստացրել է գերտերությունների ղեկավարներին։

Փետրվարին ԱՄՆ հատուկ ծառայություններն արգելել են Ռալֆ Բարիչի լաբորատորիայի աշխատանքը և այնտեղ սկսել մանրամասն ուսումնասիրություններ՝ կապված նրա շնորհիվ մուտացիայի ենթարկված երկու տեսակի կորոնավիրուսների հետ։ Այդ մասին գրել էի օրեր առաջ NATURE պարբերականի հրապարակման մեջբերմամբ:

Այժմ Independent tribune-ը փաստեր է բերում, թե ինչեր է 2013-2019թթ․ ընթացքում իր լաբորատորիայում արել Բարիչը։ Դրան զուգահեռ, ապրիլի 15-ին ֆրանսիացի վիրուսոլոգ Սայմոն Ուեյն-Հոբսոնը, որը նաև նախորդ հրապարակման մեջ հստակ խոսել է այդ մուտացիայի դեմ՝ մատնանշելով անկառավարելիության վտանգը՝ հայտարարելով․ «Այդ վիրուսը Ուհանի ծովամթերքի շուկայից չի դուրս եկել․ կան ապացույցներ»։