Երևան`   +12 °C
Այսօր`   Երեքշաբթի, 17 նոյեմբերի, 2026 թ.

«Գլաձոր ՈՒՎԿ» ՓԲԸ-ն տրամադրում է վարկային արձակուրդ

542
Հինգշաբթի, 19 մարտի, 2020 թ., 15:00
«Գլաձոր ՈՒՎԿ» ՓԲԸ-ն տրամադրում է վարկային արձակուրդ

«Գլաձոր ՈՒՎԿ» ՓԲԸ-ն, հաշվի առնելով նոր տիպի կորոնավիրուսի (COVID-19) վարակի տարածման ներկա իրավիճակը, որոշում է կայացրել.

«Բոլոր իրավաբանական և ֆիզիկական անձ վարկառուների դրամային և արտարժույթային վարկերի գծով 17․03․2020թ․ մինչև 17․05․2020թ․ տրամադրել վարկային արձակուրդ:

Բոլոր այն վարկառուները ում վարկերի հերթական մարումները, ըստ ժամանակացույցի, ընկած են ս․թ․ մարտի 17-ից մինչև մայիսի 17-ը ներառյալ, իրենց մարումները կարող են կատարել մայիսի 17-ից հետո, ինչը ուշացում չի համարվի, հետևաբար տուժանք չի հաշվարկվի և պատճառ չի հանդիսանա «Սև ցուցակ»-ում ներառվելու։

Այնուամենայնիվ, բոլոր այն վարկառուներին, որոնք շարունակում են ստանալ եկամուտներ և հնարավորություն ունեն կատարելու իրենց վարկային վճարումները մարտի 17-ից մայիսի 17 ընկած ժամանակահատվածում, հորդորում ենք կատարել իրենց վճարումները ըստ սկզբնական մարման ժամանակացույցի՝ հետագայում վարկային բեռի ավելացումից խուսափելու նպատակով:

Հարցերի դեպքում կարող եք զանգահարել +374 10 551515 հեռախոսահամարին, ուղարկել հաղորդագրություն [email protected] էլփոստին կամ կապվել մեզ հետ մեր պաշտոնական կայքի միջոցով»։