Երևան`   +7 °C
Այսօր`   Կիրակի, 17 նոյեմբերի, 2019 թ.

Իրաքում 5 մարդ է սպանվել Իրանի հյուպատոսության վրա հարձակման ժամանակ. Shafaq

1267
Երկուշաբթի, 04 նոյեմբերի, 2019 թ., 16:40
Իրաքում 5 մարդ է սպանվել Իրանի հյուպատոսության վրա հարձակման ժամանակ. Shafaq

Իրաքում 5 մարդ է սպանվել Իրանի հյուպատոսության վրա հարձակման ժամանակ, հայտնում է Shafaq գործակալությունը: «Հինգ մարդ սպանվել է ցույցերը ցրելու և Քերբելայում Իրանի հյուպատոսության շենքը գրոհելու ժամանակ, մի քանի մարդ վիրավոր է»,- փոխանցում է գործակալությունը՝ վկայակոչելով բուժհիմնարկների աղբյուրներին:

Մարդու իրավունքների հանձնաժողովը հայտնել է, որ ցուցարարները սպանվել են այն ժամանակ, երբ ոստիկանությունը փորձել է ցրել ցույցը: Ավելի վաղ РИА Новости գործակալությունը հայտնել էր, որ ցուցարարները հրկիզել են հյուպատոսության դուռը, որից հետո բախումներ են սկսվել դիվանագիտական առաքելության անվտանգության աշխատակիցների հետ: Հայտնի է նաև, որ ցուցարարներն Իրանի հյուպատոսության շենքի դրոշը փոխարինել են Իրաքի դրոշով: