Հարյուրավոր դելֆիններ ափ են նետվել ու սատկել. թե ինչու, գիտություն անկարող է պատասխանել

Կաբո Վերդեյում միանգամից հարյուրավոր դելֆիններ են ափ նետվելով զանգվածային ինքնասպանության դիմել: Կամավորները փորձել են նրանց ետ ծովը հրել, սակայն՝ անօգուտ: Նրանք կրկին վերադարձել են ափ:
Հատկանշական է, որ դելֆինների զանգվածային ինքնասպանությունների մասին ժամանակին գրել էր դեռ Արիստոտելը, սակայն հարյուրավոր տարիներ անց էլ երևույթի ստույգ բացատրությունը գիտությունը դեռ անկարող է տալ:

Ամենատարածված վարկածներից մեկն այն է, որ դելֆինները շտապում են օգնության ծանծաղուտում հայտնված իրենց ընկերոջը և իրենք էլ մնում են այնտեղ: Նրանք պատրաստ են զոհվել, քան լքել իրենց ցեղակցին: