«Շատ տարօրինակ օրինաչափություն է նկատվում կոռուպցիոն հանցագործությունների կատարման ժամանակ». Արթուր Սաքունց

Իրավապաշտպան Արթուր Սաքունցը ֆեյսբուքյան իր էջում գրել է. «Շատ տարօրինակ օրինաչափություն է նկատվում

կոռուպցիոն հանցագործությունների կատարման ժամանակ, բյուջեի և հանրային միջոցները յուրացնելու ժամանակ, կամ որևէ առողջական խնդիրներ չունեին, կամ ոչ մի առողջական խնդիր չէր խոչընդոտում, իսկ երբ գալիս է պատասխանատվություն կրելու ժամանակը, կամ առողջական խնդիրների մի ամբողջ փունջ է ծագում, կամ առողջական խնդիրների մասին են հիշում։

Իհարկե և պետք է պատշաճ, ժամանակին բժշկական օգնություն ցուցաբերել կասկածյալին, մեղադրյալին կամ վկային:

Եվ բոլորին ապաքինում եմ մաղթում՝ պատշաճ ու պատրաստ լինելու համար, քննությանը արժանապատիվ մասնակցելու համար։

Իսկ որպես խորհուրդ, արդեն իսկ անցեք բժշկական, հոգեբանական զննություն և ստացեք ցուցումներ, քննչական մարմինների հետ հանդիպելուց առաջ։

Կրկնում եմ, եթե գեթ մեկ դեպք կլինի հոգեբանական, էլ չեմ ասում ֆիզիկական ճնշման կամ բռնության փաստի մասին, ապա ահազանգեք։

Իսկ, կոռումպացված և անպատժելի համակարգի սպասավորներին, ի գիտություն, կոռուպցիոն քաղցի հետևանքով կոռուպցիոն ընկճախտից դուրս գալու այլ ելք չկա, բացի արժեքային և հոգեբանական վերափոխումից»: