Երևան`   +6 °C
Այսօր`   Չորեքշաբթի, 18 նոյեմբերի, 2026 թ.

«Կատարվե՞լ է ուսումնասիրություն, որ Սոթքի հանքի շահագործումը բացասական ազդեցություն չունի Սևանա լճի վրա». Վասակ Դարբինյան

282
Երեքշաբթի, 27 օգոստոսի, 2019 թ., 10:25
«Կատարվե՞լ է ուսումնասիրություն, որ Սոթքի հանքի շահագործումը բացասական ազդեցություն չունի Սևանա լճի վրա». Վասակ Դարբինյան

Լրագրող Վասակ Դարբինյանը ֆեյսբուքյան իր էջում գրել է. «Ինչու եմ ասում՝ ինչո՞ւ մնացած հանքերի դեմ չեք ընդվզում նույն ջերմեռանդությամբ, ինչո՞ւ դրանց ճանապարհները չեք փակում. ի՞նչ եք անելու, սիրելի ամուլսարապահներ, ձեր արդար ընդվզումին չմիացողներին հոգու խորքում ատող, նրանց հետ թշնամանալու պատրաստ հարգելի բնապահպաններ, եթե հանկարծ Հայաստանի կառավարությունը մի կողմ դնի «ԷԼԱՐԴ»-ին էլ, «Լիդիան»-ին էլ, արբիտրաժն էլ, ամեն ինչ դնի մի կողմ ու որոշի, այնուամենայնիվ, չշահագործել Ամուլսարի հանքը, բայց լուսապայծառ ու գեղեցիկ մի օր հանկարծ պարզվի, որ Սոթքի հանքի շահագործման հետևանքով Սևանա լիճն այլևս հնարավոր չէ փրկել, թույնն արդեն կլանել է Սևանը... Կա՞ արդյոք երաշխիք, համոզվա՞ծ եք, կատարվե՞լ է ուսումնասիրություն, որ Սոթքի հանքի շահագործումը բացասական ազդեցություն չունի Սևանա լճի վրա»: