Կբարձրանան ՊԵԿ աշխատողների աշխատավարձերն ու հավելավճարները
![]() Իրավական ակտերի նախագծերի միասնական կայքում տեղադրվել է նախագիծ, որով առաջարկվում է փոփոխություններ կատարել «Պետական կառավարման համակարգի մարմինների մասին» օրենքում, ինչի արդյունքում կբարձրանան ՊԵԿ աշխատակիցների աշխատավարձերն ու հավելավճարները: Կառավարությունում անհամապատասխանություններ են գտել օրենքի հոդվածների միջև և առաջարկում են փոփոխություններով վերացնել դրանք: Ըստ այդմ՝ գործող օրենքում տարբեր են քննչական մարմինների և ՊԵԿ քննչական վարչության ծառայողների հավելավճարների հաշվարկման կարգերը: Հավելավճարներ չեն սահմանվում նաև հարկային և մաքսային ծառայությունների այլ ստորաբաժանումներում աշխատած տարիների համար: Նախագծի հեղինակների կարծիքով՝ սա խտրական մոտեցում է՝ նույն իրավական կարգավիճակն ունեցող գերատեսչությունների՝ ՊԵԿ-ի ու քննչական մարմինների պաշտոնատար անձանց միջև: Իսկ ՀՀ Սահմանադրության 29-րդ հոդվածն արգելում է խտրականությունը: Բացի այդ, ՀՀ ՊԵԿ քննչական վարչության աշխատակիցների աշխատավարձերի գործակիցները որոշ դեպքերում չեն համընկնում մյուս նախաքննական մարմինների համազոր, որոշ դեպքերում ավելի ցածր պաշտոնների համար սահմանված աշխատավարձերի գործակիցների հետ: Առաջարկվող փոփոխությամբ ՊԵԿ քննչական վարչության և նախաքննական մյուս մարմինների ծառայողների աշխատավարձերի գործակիցները կհամապատասխանեցվեն: Կառավարությունում օրենսդրական անհամապատախանություններից բացի, աշխատավարձերի ու հավելավճարների բարձրացման այլ հիմնավորում էլ են գտել՝ պետական գանձարան փոխանցված գումարների չափերը: 2018 թվականի ընթացքում պետբյուջե է վերադարձվել 8.563.056.013 ՀՀ դրամ։ Հարկ ենք համարում նկատել, որ օրինագծի մշակողը ՀՀ պետական եկամուտների կոմիտեն է: |

Կալասը հայտարարել է Ռուսաստանի դեմ պատժամիջոցների 22-րդ փաթեթի մասին
370Երեկ, 22:49
Օդեսայում՝ Mercedes-Benz-ի ավտովաճառքի սրահում հրդեհ է բռնկվել
39315.11.2026, 19:19
Խաղողագործներին փող չեն տալիս․ «Հրապարակ»
18814.11.2026, 09:18
Եվրոպական երկրները պատրաստակամություն են հայտնել աջակցել Հայաստանի առևտրի և էներգետիկ ոլորտների դիվերսիֆիկացմանը
54013.11.2026, 11:18
«Անհուսալի վարկառուների խնդիրը լուծելու համար արդյունավետ կլինի երկաստիճան համակարգված մոտեցումը»․ Հրայր Կամենդատյան
17012.11.2026, 16:00
Ուկրաինական հարվածները փլուզել են Ռուսաստանի նավթավերամշակումը. Reuters
43610.11.2026, 19:37
