Volkswagen-ը գաղտնազերծել է նոր Golf-ի արտաքին տեսքը

Համացանցում հայտնվել է Volkswagen Golf-ի 8-րդ սերնդի պաշտոնական դիզայն-սքեթչը: Դատելով այդ լուսանկարից՝ հաջորդ Volkswagen-ը կունենա խոշորացված ռելիեֆային կապոտ, այլ օպտիկա՝ միավորված նեղ ռադիատորային ճաղավանդակի հետ, ինչպես նաև՝ ավելի ցածր տանիք:

Ինչ վերաբերում է սրահին, ապա դրանում կլինի անալոգային ցուցիչների նվազագույն քանակություն, նորույթը կստանա ամբողջովին թվային վահանակ:

Նորույթը նաև 35-70 կգ-ով թեթև կլինի, իսկ բեռնախցիկը կմեծանա՝ հասնելով 400 լիտրի:

Շարժիչային գամման կհամալրվի 1,5 լիտրանոց բենզինային տուրբոշարժիչով, ինչպես նաև ՝ 1,5 լիտրանոց դիզելային շարժիչով: Բացի այդ, այն կունենա հիբրիդային ուժասարք՝ կենցաղային էլեկտրացանցից լիցքավորվելու հնարավորությամբ: