Երևանի քաղաքապետարանը տարեկան 231.6 մլն դրամի խնայողություն կանի
![]() Երևանի ավագանու՝ մայիսի 8-ի նիստի օրակարգում է «Երևան քաղաքի ավագանու 2018 թ. հոկտեմբերի 29-ի N 10-Ա որոշման մեջ փոփոխություններ և լրացումներ կատարելու մասին» նախագիծը: Դրանում նշվում է, որ Երևանի քաղաքապետարանի, Երևանի վարչական շրջանների ղեկավարների աշխատակազմերի և Երևանի ենթակայության որոշ կազմակերպությունների կառուցվածքների օպտիմալացման գործընթացի առաջին փուլի շրջանակներում մանրամասն ուսումնասիրվել և վերլուծվել են Երևանի քաղաքապետարանի, Երևանի վարչական շրջանների և հիշյալ կազմակերպությունների, ինչպես նաև յուրաքանչյուր աշխատակցի կողմից իրականացվող գործառույթները: Վերոհիշյալ ուսումնասիրությունների արդյունքում առաջարկվում է Երևանի քաղաքապետարանի կառուցվածքում և հաստիքացուցակում կատարել համապատասխան փոփոխություններ: Երևանի քաղաքապետարանի աշխատակազմի կառուցվածքային փոփոխությունների արդյունքում, հաշվի առնելով սպորտի և երիտասարդության ոլորտների փոխկապվածությունը՝ միավորվել են սպորտի և երիտասարդության հարցերի բաժինները, ինչպես նաև զորահավաքային բաժինը, որը գործում էր քարտուղարության կազմում, առանձնացվել է քարտուղարությունից և դարձել առանձնացված բաժին: Երևանի Ավան, Արաբկիր և Նոր Նորք վարչական շրջաններն առաջարկել են վերամիավորել կրթության, մշակույթի և սպորտի ու սոցիալական ապահովության, առողջապահության և ծրագրերի բաժինները, իսկ Նոր Նորք վարչական շրջանը նաև կոմունալ տնտեսության և բազմաբնակարան շենքերի կառավարման մարմինների հետ աշխատանքների կազմակերպման ու քաղաքաշինության և հողօգտագործման բաժինները, ինչպես նաև վերանվանել եկամուտների հաշվառման և հավաքագրման ու ֆինանսական բաժինները՝ համապատասխանաբար եկամուտների հաշվառման, հավաքագրման և վերլուծության ու ֆինանսաբյուջետային բաժինների: Հիշյալ բաժինների միավորումը պայմանավորված է դրանց գործառույթների փոխկապակցվածությամբ: Իսկ Երևանի Կենտրոն վարչական շրջանի կողմից առաջարկվել է առանձնացնել առևտրի, սպասարկումների և գովազդի բաժինը՝ ստեղծելով առևտրի և սպասարկումների ու գովազդի բաժիններ, որը պայմանավորված է հիշյալ ոլորտների գործառույթների և կանոնադրական խնդիրների էական տարբերությամբ, որն իր հերթին կբարձրացնի արտաքին գովազդի ոլորտում վերահսկողությունը և աշխատանքների արդյունավետությունը: Օպտիմալացման գործընթացի շրջանակներում իրականացվող փոփոխություններիարդյունքում Երևանի քաղաքապետարանի համակարգում (քաղաքապետարան և ենթականկազմակերպություններ) նախատեսվել է 62.5 հաստիքային միավորի կրճատում՝ ամսական 3624.8 հազ. դրամ աշխատավարձի ֆոնդով: Երևանի ենթակայության կազմակերպություններում առաջարկվում է կրճատել 169 հաստիքային միավոր (ամսական 21135.3 հազ. դրամ): Կրճատում է նախատեսված նաև Երևանի քաղաքապետարանի հաստիքացուցակում: Վերոհիշյալ փոփոխություններով պայմանավորված վերջնական արդյունքում նախատեսվում է Երևան համայնքի բյուջեի միջոցների խնայողություն տարեկան 231.6 մլն դրամի չափով: |

Կալասը հայտարարել է Ռուսաստանի դեմ պատժամիջոցների 22-րդ փաթեթի մասին
370Երեկ, 22:49
Օդեսայում՝ Mercedes-Benz-ի ավտովաճառքի սրահում հրդեհ է բռնկվել
39315.11.2026, 19:19
Խաղողագործներին փող չեն տալիս․ «Հրապարակ»
18814.11.2026, 09:18
Եվրոպական երկրները պատրաստակամություն են հայտնել աջակցել Հայաստանի առևտրի և էներգետիկ ոլորտների դիվերսիֆիկացմանը
54013.11.2026, 11:18
«Անհուսալի վարկառուների խնդիրը լուծելու համար արդյունավետ կլինի երկաստիճան համակարգված մոտեցումը»․ Հրայր Կամենդատյան
17012.11.2026, 16:00
Ուկրաինական հարվածները փլուզել են Ռուսաստանի նավթավերամշակումը. Reuters
43610.11.2026, 19:37
