Երևան`   +13 °C
Այսօր`   Երեքշաբթի, 17 նոյեմբերի, 2026 թ.

Դավիթ Անանյանը՝ ՀԴՄ-ների նոր խմբաքանակ ձեռք բերելու և անվճար տրամադրելու մասին

397
Ուրբաթ, 29 մարտի, 2019 թ., 13:40
Դավիթ Անանյանը՝ ՀԴՄ-ների նոր խմբաքանակ ձեռք բերելու և անվճար տրամադրելու մասին

«Մենք դեռևս ունենք չբավարաված հայտեր և այդ հայտերը բավարարելու համար և որոշակի նաև ՀԴՄ-ների նոր խմբաքանակ ձեռք բերելու համար որոշակի ժամանակահատված էր անհրաժեշտ. մեր գնահատմամբ՝ 6 ամիս: ՊՈԱԿ-ը դադարեցնելու է իր ձեռնարակատիրական գործունեությունը ամբողջությամբ և այդ անցումային ժամանակաշրջանը ժամանակ բացառապես զբաղվելու է երեք գործառույթով. սահմանամերձ համայնքներում գործունեություն իրականացնող հարկ վճարողներին տրամադրելու է անվճար ՀԴՄ-ներ և դրանց անվճար տեխսպասարկումներ է իրականացնելու»,- այսօր լրագրողների հետ զրույցի ժամանակ ասաց ՊԵԿ նախագահ Դավիթ Անանյանը:

Անանյանի խոսքով՝ ոլորտի ազատականացման իմաստը ՀԴՄ-ների թե՛ գները, թե՛ տեխսպասարկման գները ամբողջությամբ պետության կամ պետությունը ներկայացնող մեկ այլ կառույցի կողմից չվերահսկվելն է: «Կան շուրջ 10 կազմակերպություններ, որոնք եկել և չբացահայտման համաձայնագիր են կնքել ՊՈԱԿ-ի հետ: Մեր ցանցի ուսումնասիրության, մեր ծրագրային ապահովումների ուսումնասիրության համար են այդ կազմակերպությունները մեզ հետ կնքել այդ համաձայանգիրը»- ասաց Անանյանը:

ՊԵԿ նախագահի խոսքով՝ ինչքան գործունեություն իրականացնողները շատանան, այդքան կնվազեն ապրանքային գները: