Հայտնի են Անապա մեկնող հայ բռնցքամարտիկների անունները

Բռնցքամարտի Հայաստանի երիտասարդական հավաքականն այս օրերին ուսումնամարզական հավաք է անցկացնում Օլիմպավանում՝ նախապատրաստվելով ապրիլի 1-ից 7-ն Անապայում կայանալիք Նիկոլայ Պավլյուկովի անվան հուշամրցաշարին: Ավագ մարզիչ Կարեն Աղամալյանի և մարզիչ Գարիկ Բաղդասարայանի գլխավորությամբ Անապայի մրցաշարին կմասնակցեն 49 կգ քաշային Ռուդոլֆ Գարբոյանը, 52 կգ քաշայիններ Արթուր Ղազարյանն ու Ռուսլան Ասլիկյանը, 56 կգ քաշային Արթուր Շախպազյանը, 60 կգ քաշային Ռաֆայել Հակոբյանը, 64 կգ քաշային Արարատ Հարությունյանը, 69 կգ քաշային Արսեն Գրիգորյանն ու 75 կգ քաշային Ռաֆայել Հովհաննիսյանը: