Շախմատի Հայաստանի կանանց հավաքականը ոչ-ոքի խաղաց

Աստանայում շարունակվում է շախմատի աշխարհի կանանց թիմային առաջնությունը։ Ստուգատեսի յոթերորդ տուրում Հայաստանի կանանց հավաքականի մրցակիցը Հունգարիայի ընտրանին էր։ Հայաստանի հավաքականը ոչ-ոքի խաղաց։ Մեր հավաքականի կազմում հաղթանակներ տոնեցին Էլինա Դանիելյանը և Աննա Սարգսյանը, իսկ Մարիա Գևորգյանը և Սիրանուշ Ղուկասյանը պարտվեցին։