Երևան`   +8 °C
Այսօր`   Երեքշաբթի, 17 նոյեմբերի, 2026 թ.

Արթուր Ալեքսանյանը կարող է բաց թողնել Եվրոպայի առաջնությունը

255
Չորեքշաբթի, 06 փետրվարի, 2019 թ., 16:05
Արթուր Ալեքսանյանը կարող է բաց թողնել Եվրոպայի առաջնությունը

Հունահռոմեական ոճի Հայաստանի հավաքականի գլխավոր մարզիչ Լևոն Ջուլֆալակյանը, այսօր լրագրողների հետ զրույցում ամփոփել է օրերս կայացած Նիսի մրցաշարում մեր հավաքականի մրցելույթները:

«Տարին նոր է սկսվել, տղաների մարզավիճակը դեռ այդքան էլ լավը չէ: Մեր նպատակը պաշտոնական մրցաշարերին պատրաստվելն է: 7 ըմբիշից 6-ը մեդալ նվաճեց Նիսում, միայն Մաքսիմ Մանուկյանը վերադարձավ ձեռնունայն: Նա վնասվածքից հետո դեռ վերջնական չի ապաքինվել, և ուզում էր ուղղակի իր հնարավորությունները փորձել։ Արսենը ճիշտ է պլանավորում իր ժամանակը: Համոզված եմ, որ նրա մոտ ամեն ինչ լավ կընթանա»,- նշել է Ջուլֆալակյանը:

Անդրադառնալով Ռիոյի օլիմպիական խաղերի չեմպիոն Արթուր Ալեքսանյանին՝ Ջուլֆալակյանը նշել է, որ նա այս շաբաթ կվերադառնա ԱՄՆ-ից՝ ավարտելով բուժման կուրսը։ Բժիշկները պետք է որոշում կայացնեն Արթուրի՝ մարզումներին վերադառնալու վերաբերյալ: Հնարավոր է՝ Արթուրը բաց թողնի ապրիլին կայանալիք Եվրոպայի առաջնությունը՝ աշխարհի առաջնությանն ավելի լավ նախապատրաստվելու համար: Նշենք, որ աշխարհի առաջնությունը վարկանշային է լինելու Տոկիոյի օլիմպիական խաղերի համար: