Երևան`   +8 °C
Այսօր`   Երեքշաբթի, 17 նոյեմբերի, 2026 թ.

«Խորհուրդ էի տվել նրան չնստել այդ ինքնաթիռը»․ Էմիլիանո Սալայի ընկեր

256
Երեքշաբթի, 05 փետրվարի, 2019 թ., 15:45
«Խորհուրդ էի տվել նրան չնստել այդ ինքնաթիռը»․ Էմիլիանո Սալայի ընկեր

«Նանտ»-ից «Քարդիֆ» տեղափոխված և ճանապարհին ինքնաթիռի կործանման զոհ դարձած հարձակվող Էմիլիանո Սալայի ընկերը՝ Մաքսիմիլիանո Դուարտեն ողբերգության համար մեղադրել է ֆուտբոլիստի գործակալ Վիլի ՄքՔեյին և նշել է, որ զգուշացրել է ընկերոջը՝ չնստել այդ ինքնաթիռը։

«Այս իրավիճակում կա մեղավոր: Էմիլիանոն երբեք չէր որոշի նստել այդ ինքնաթիռը: Նա ստիպված էր անել դա, որովհետև պրոֆեսիոնալ ֆուտբոլիստ է, և դա իր պարտականությունների մեջ է մտնում։ Ես խորհուրդ էի տվել Սալային չնստել այդ ինքնաթիռը, քանի որ տեսնում է, որ այն անվտանգ չէ։ Որպես նախկին ֆուտբոլիստ՝ խորհուրդ տվեցի քնել, առավոտյան վաղ արթնանալ, նախաճաշել և մեկնել նորմալ ինքնաթիռով։ Բայց նրան ստիպել են հունվարի 21-ի երեկոյան մեկնել Ուելս»,- նշել է նա։

Հիշեցնենք՝ Նանտից Քարդիֆ մեկնելու ճանապարհին անհետացել է արգենտինացի ֆուտբոլիստ Էմիլիանո Սալային տեղափոխող մասնավոր ինքնաթիռը: Ինքնաթիռն անհետացել է երկուշաբթի երեկոյան։ Հունվարի 24-ին որոնողական աշխատանքներ իրականացնող խումբը հայտարարել է աշխատանքների դադարեցման մասին՝ նշելով, որ փրկության հույս գրեթե չկա։ Ավելի ուշ որոնողական աշխատանքները վերսկսվել են: