Հրապարակվել են հայկական ֆուտբոլի սկանդալներից մեկի՝ մինչ օրս անհասանելի գաղտնալսումների սղագրությունները
![]() Օրերս հայտնի են դարձել հայկական ֆուտբոլի պատմության ամենամեծ սկանդալների մեկի՝ «Ուլիս»-ի պայմանավորված հանդիպումների վերաբերյալ սկանդալի նոր մանրամասները։ 2018-ի դեկտեմբերին ավարտվել էր գործի քննությունը և «Հետք»-ին էր տրամադրվել ԱԱԾ քննչական վարչությունում հարուցված գործի 6 հատորները: «Հետք»-ը հրապարակել է գործի հետ կապ ունեցող ձայնագրությունների սղագրությունները։ Հիշեցնենք, որ պայմանավորված խաղերի հարցով «Ուլիս»-ի նկատմամբ գործ հարուցելու համար ՀՖՖ նախագահ Ռուբեն Հայրապետյանը դիմում է գրել ԱԱԾ-ին, ինչից հետո ԱԱԾ-ն դատարանից թույլտվություն է ստացել գաղտնալսել «Ուլիս» ակումբի գլխավոր բաժնետեր Վալերի Հովհաննիսյանին (ՌԴ քաղաքացի), ֆուտբոլիստներ Պապին Թևոսյանին, Գոռ Մարտիրոսյանին, Հայկ Հունանյանին, ինչպես նաև խաղադրույքներ ընդունող Էդգար Պետրոսյանին և քաղաքացի Գարիկ Բոշյանին: 2015 թվականի նոյեմբերին ԱԱԾ-ն հաղորդել է, «Ուլիս» ակումբի գլխավոր մարզիչ Գագիկ Սիմոնյանը, ֆուտբոլիստ Հայկ Հունանյանը, «Ուլիս 2» ակումբի ադմինիստրատոր Արա Ազարյանը և մարզչի օգնական Ռուբեն Առուշանյանը հանցավոր համաձայնությամբ, «Տոտո» բուքմեյքերական գրասենյակի աշխատակցի միջոցով, կատարել են 1000-3000 ԱՄՆ դոլար խաղադրույքներ և, ապահովելով խաղերի կանխատեսելի արդյունքները, ստացել են ապօրինի շահույթ, որը համապատասխան մասնաբաժիններով բաշխվել է վերը նշված անձանց և առանձին ֆուտբոլիստների միջև: Դեկտեմբերի 24-ին «Ուլիս» ակումբի գլխավոր մարզիչ Գագիկ Սիմոնյանը և ադմինիստրատոր Արա Ազարյանը կալանավորվել են՝ ավելի ուշ արձակվել են չհեռանալու մասին ստորագրությամբ։ Հունվարի 13-ին կալանավորվել են նաև մարզչի օգնական Ռուբեն Առուշանյանը և ֆուտբոլիստ Հայկ Հունանյանը, ովքեր ավելի ուշ ազատ են արձակվել։ Դրանից հետո ՀՖՖ նախագահ Ռուբեն Հայրապետյանը բազմիցս անդրադարձել է այս միջադեպին՝ նշելով, որ ԱԱԾ-ն զբաղվում է հետաքննությամբ և նա չի կարող մանրամասներ հայտնել։ Միջադեպից առաջ և հետո «Ուլիս»-ը նախ լքեցին լեգեոներները, ապա նաև հիմնական թիմի ֆուտբոլիստների մեծ մասը։ Պատճառը ֆինանսական էր․ ակումբի բոլոր աշխատակիցները ամիսներ շարունակ աշխատավարձ չէին ստանում։ 2016-ի փետրվարի 3-ին ակումբը հայտարարել է լուծարման մասին՝ պատճառ բերելով «ապօրինի ձերբակալությունները»։ Այսօր արդեն հասանելի են ձայնագրությունների սղագրությունները, որոնք ներկայացնում ենք ստորև՝ «Արարատ»-«Ուլիս» (3-1) հանդիպման վրա խաղադրույք կատարողներից մեկը եղել է «Ուլիս»-ի կիսապաշտպան Արման Թությանը, ով արդյունքում շահել է 814 դոլար։ Ահա նրա և Հայկ Հունանյանի զրույցի գաղտնալսման մի հատվածի սղագրությունը․ Թության- Ասում եմ, ընգեր, տայմը 1,5 բոլշեն (նկատի ունի, որ առաջին կեսում նվազագույնը 2 գոլ կխփվի):
«Արարատ-2»-«Ուլիս-2» (2-1) հանդիպման վերաբերյալ Արման Թությանի և Հայկ Հունանյանի զրույցի գաղտնալսման մի հատվածի սղագրությունը․ Թության- Հորս արեւ, գիտե՞ս ինչ ա տալի 1,9 կաեֆիցենտը:
«Արարատ»-«Ուլիս» հանդիպման վերաբերյալ «Ուլիս 2» ակումբի ադմինիստրատոր Արա Ազարյանի և խաղադրույքներ ընդունող Էդգար Պետրոսյանի զրույցի գաղտնալսման մի հատվածի սղագրությունը․ Խաղը մեկնարկից՝14:00-ից րոպեներ առաջ՝ 13:44-ին, Արա Ազարյանը զանգել է Էդգար Պետրոսյանին․ 13:59-ին Ազարյանը նորից է զանգել. Ազարյան- Էս տղերքը չզանգի՞ն քեզ: 14:06-ին Արա Ազարյանը կրկին զանգել է. Ազարյան- Ինչ-որ բան կարում ե՞ս… |

Լատվիա-Հայաստան՝ 0:0. մեր հավաքականի դարպասապահը՝ լավագույն խաղացող
210Երեկ, 21:12
Տիգրան Հարությունյանը հաղթել է թուրք մրցակցին ու դարձել քիքբոքսինգի Եվրոպայի չեմպիոն
19014.11.2026, 19:42
Հայկ Մարտիրոսյանը հաղթել է շախմատի աշխարհի հնգակի չեմպիոն Մագնուս Կարլսենին (տեսանյութ)
18914.11.2026, 00:30
Հայաստանն ու Կիպրոսը ոչ ոքի խաղացին
19312.11.2026, 23:24
Վահե Սուքիասյանը՝ շախմատի Եվրոպայի մինչև 18 տարեկանների կրկնակի չեմպիոն
17012.11.2026, 18:54
Գևորգ Ղազարյանն առաջադրվել է ՀՖՖ նախագահի պաշտոնում (տեսանյութ)
17910.11.2026, 12:42
