Մերկելը որոշել է փակել իր ֆեյսբուքյան էջը

Գերմանիայի կանցլեր Անգելա Մերկելը երեկ տեսաուղերձ է հրապարակել ֆեյսբուքյան իր էջում՝ հայտնելով, որ փակում է էջը: Որոշումը կանցլերը կապել է Քրիստոնեա-դեմոկրատական միության ղեկավարի պաշտոնը լքելու հետ:

«Կցանկանայի խնդրել Ձեզ հետագայում ևս հետևել իմ աշխատանքին՝ որպես դաշնային կանցլեր: Կարող եք հետևել ինձ դաշնային կառավարության ֆեյսբուքյան էջում կամ դառնալով իմ հետևորդը Instagram-ում»,- ասել է նրա, գրում է Deutsche Welle-ն:

Պարբերականը նշում է, որ սոցցանցում Մերկելի էջը բավականին ինֆորմատիվ էր, օրինակ՝ նրա էջից կարելի էր իմանալ, որ 64-ամյա քաղաքական գործիչը Լև Տոլստոյի և Ֆյոդր Դոստոևսկու ստեղծագործությունների երկրպագու է: Իսկ երաժշտական նախասիրություններից նշված էր՝ Ռիխարդ Վագներ և Գուստավ Մալեր, ինչպես նաև The Beatles, Karat խմբերը:

Կանցլերի էջն ուներ 2,5 միլիոն հետևորդ: