Երևան`   +8 °C
Այսօր`   Երեքշաբթի, 17 նոյեմբերի, 2026 թ.

Հայտնի են բասկետբոլի Հայաստանի գավաթի խաղարկության մասնակիցները

670
Ուրբաթ, 01 փետրվարի, 2019 թ., 18:50
Հայտնի են բասկետբոլի Հայաստանի գավաթի խաղարկության մասնակիցները

Փետրվարի 4-ին կմեկնարկի բասկետբոլի Հայաստանի գավաթի անդրանիկ խաղարկությունը: Գավաթի խաղարկությունը կսկսվի 4 թիմերի շրջանաձև պայքարով, որտեղից լավագույն երկու թիմերը դուրս կգան Հայաստանի գավաթի 1/4 եզրափակիչ: 1/4 եզրափակչում նրանց կմիանան Ա լիգայում հանդես եկող 6 ակումբները և փայքարը կշարունակեն փլեյ-օֆֆ փուլում, որը տեղի կունենա տուն-դուրս տարբերակով, որտեղ միմյանց հետ կպայքարեն վիճակահանությամբ իրար դեմ դուրս եկած ակումբները:

Հայաստանի գավաթի խաղարկության հանդիպումների ժամանակ յուրաքանչյուր թիմի կազմում խաղադաշտում պետք է լինի նվազագույնը 3 հայ խաղացող:

Հայաստանի գավաթին կմասնակցեն հետևյալ թիմերը՝ «Արագած» (Երևան), «Ուրարտու» (Երևան), «Արթիկ» (Արթիկ), ՖԻՄԱ (Երևան), «Էրեբունի» (Երևան), «Արցախ» (Ստեփանակերտ), «Արագած 2» (Երևան), «Կիլիկիա» (Երևան), «Գյումրի» (Գյումրի), «Լեգեոն» (Երևան):