Երևան`   +8 °C
Այսօր`   Երեքշաբթի, 17 նոյեմբերի, 2026 թ.

«Ալինգսաս քաղաքում միջազգային պահանջներին համապատասխանող 2 մարզադահլիճ կա, իսկ ամբողջ Հայաստանում գոնե 1 հատ չկա». Արմեն Նիկողոսյան

237
Հինգշաբթի, 31 հունվարի, 2019 թ., 13:40
«Ալինգսաս քաղաքում միջազգային պահանջներին համապատասխանող 2 մարզադահլիճ կա, իսկ ամբողջ Հայաստանում գոնե 1 հատ չկա». Արմեն Նիկողոսյան

ՀՖՖ երկրորդ փոխնախագահ Արմեն Նիկողոսյանը ֆեյսբուքյան իր էջում գրառում է կատարել՝ անդրադառնալով ֆուտզալի Հայաստանի հավաքականի՝ Շվեդիայի ընտրանուց պարտությանը։

«Ֆուտզալի Հայաստանի ազգային հավաքականն աշխարհի առաջնության ընտրական փուլի առաջին հանդիպումն անցկացրեց։ Շվեդայի Ալինգսաս քաղաքում մեր թիմը պարտվեց տանտերերին՝ 1։3 հաշվով: Պարտությունը միշտ էլ ծանր է, բայց այս դեպքում անհրաժեշտ է արձանագրել հետևյալը. Շվեդիան այս մրցաշարի նախապատրաստական փուլում 2018 թվականին ազգային հավաքականների մակարդակով 9 խաղ է անցկացել և նույնքան հավաք կազմակեպել: Մեր թիմը անցյալ տարի ոչ մի հանդիպում չի անցկացրել․ միայն այս հունվարին հնարավոր եղավ կազմակերպել 2 ընկերական հանդիպում այն էլ ընդամենը Լիբանանը ներկայացնող թիմերի հետ: Բայց անգամ նման պայմաններում մեր թիմը խաղով չզիջեց Շվեդային՝ որպես ապացույց՝ ՈւԵՖԱ ի պաշտոնական վիճակագրությունը վերջում: Ու սա բացառապես մեր թիմի խաղացողների, մարզչական շտաբի անմնացորդ նվիրման, կամքի, մինչև վերջ պայքարելու ցանկության շնորհիվ, ինչի համար խաղից հետո շնորհակալություն եմ հայտնել նրանց:

Հ․Գ․ 30 հազար բնակչություն ունեցող Ալինգսաս քաղաքում միջազգային ժամանակակից բոլոր պահանջներին համապատասխանող 2 մարզադահլիճ կա, իսկ ամբողջ Հայաստանում գոնե 1 հատ չկա: այնպես որ ֆուտզալի մարզադահլիճ կառուցելն էլ ՀՖՖ ի համար դառնում է առաջնային:
Ի դեպ, շնորհակալություն եմ հայտնում նաև Ալինգսասում ու հարակից քաղաքներում ապրող հայերին, ովքեր մեծ ու փոքր եկել էին խաղին ու ջերմորեն աջակցում էին մեր թիմին»: