«Նիկոլ Փաշինյան, մենք գիտենք, որ Հայկ Մարությանն անում է այն, ինչ Դուք եք ասում». առևտրականներ
![]() Կառավարության դիմաց այսօր իրենց բողոքի ակցիան են շարունակել փողոցային առևտրով զբաղվող քաղաքացիները: Նրանք ուզում են հանդիպել վարչապետ Նիկոլ Փաշինյանին և ներկայացնել իրենց պահանջները: «Մարդիկ իրենց հանապազօրյա հացն են ուզում վաստակել, մամուլում գրում են, թե ծախված ենք: Ո՞վ է ծախված, ո՞ւմ կողմից ենք ծախված: Առաջին ծախվածն իրանք են, եթե ծախված լինեինք՝ էս պետության համար ոչ մի բան չէինք ուզի անել: Թողեք աշխատենք, ապրենք, մեր երեխեքին պահենք, ավել բան չենք ուզում: Դուք ասում եք՝ գնացեք մեռեք, մենք ասում ենք՝ ուզում ենք աշխատել, չենք ուզում մեռնել»,- բողոքում էին առևտրականները: «Նիկոլ Փաշինյան, մենք գիտենք, որ Հայկ Մարությանն անում է այն, ինչ դուք եք ասում: Էս խեղճ, քյասիբ ժողովուրդն ա՞ ձեր գերխնդիրը, էլ բանուգործ չունե՞ք, որ հացից եք կտրում: Ամեն տեղ գնացել ենք, խնդրել ենք, որ քաղաքակիրթ ձևով մի տեղ տան՝ կանգնենք, աշխատենք: Մենք այդքան մեծ հնարավորություններ չունենք, որ գնանք, խանութ վերցնենք, աշխատենք, խանութ սարքենք, այդ իսկ պատճառով խնդրում ենք կառավարության աջակցությունը»,- ասաց առևտրական մի կին: «Քանի օր է էստեղ ենք, մեկը չի բարեհաճում գալ՝ ո՛չ կառավարությունից, ո՛չ քաղաքապետարանից»,- ասաց բողոքողներից մյուսը: Մեկ ուրիշն էլ հիշեցրեց՝ «Հայկ Մարությանը, որ հասել ա էդ պաշտոնին, մեր շնորհիվ ա հասել: Էսքան ժողովուրդը խնդրում է, որ դուրս գա, մեզ լսի, կամ մի հինգ հոգու ասի՝ մեզ լսեն, չի անում, ոչ էլ թողում են ներս մտնենք»: Հուսահատված ցուցարարները շարունակեցին. «ՀՀԿ-ին ընտրեցինք՝ սխալվեցինք, իրենց ընտրեցինք, էլի սխալվեցինք...»: Վերջինները չմոռացան նաև քաղաքապետարանի կողմից գնված տոնածառի մասին. «Տոնածառ եք դնում 70 մլն-ոց, բայց մեր զավակները քնում են առանց տոնածառի, առանց հացի: Միլիոններով փողերը դուք եք ուտում, թողեք մի 1000 դրամ էլ մենք տուն տանենք»: |

Կալասը հայտարարել է Ռուսաստանի դեմ պատժամիջոցների 22-րդ փաթեթի մասին
370Երեկ, 22:49
Օդեսայում՝ Mercedes-Benz-ի ավտովաճառքի սրահում հրդեհ է բռնկվել
39315.11.2026, 19:19
Խաղողագործներին փող չեն տալիս․ «Հրապարակ»
18814.11.2026, 09:18
Եվրոպական երկրները պատրաստակամություն են հայտնել աջակցել Հայաստանի առևտրի և էներգետիկ ոլորտների դիվերսիֆիկացմանը
54013.11.2026, 11:18
«Անհուսալի վարկառուների խնդիրը լուծելու համար արդյունավետ կլինի երկաստիճան համակարգված մոտեցումը»․ Հրայր Կամենդատյան
17012.11.2026, 16:00
Ուկրաինական հարվածները փլուզել են Ռուսաստանի նավթավերամշակումը. Reuters
43610.11.2026, 19:37
