Երևան`   +11 °C
Այսօր`   Չորեքշաբթի, 18 նոյեմբերի, 2026 թ.

«Հույս ունեմ, որ 1 տարի անց ԵԱՏՄ-ն առավել համախմբված ու արդյունավետ կգործի». Նիկոլ Փաշինյան

434
Ուրբաթ, 25 հունվարի, 2019 թ., 13:15
«Հույս ունեմ, որ 1 տարի անց ԵԱՏՄ-ն առավել համախմբված ու արդյունավետ կգործի». Նիկոլ Փաշինյան

Արդեն հայտնել էինք, որ ՀՀ վարչապետը ելույթ է ունեցել Եվրասիական տնտեսական հանձնաժողովի գրասենյակում:

Նախագահությունն այս կազմակերպությունում 2019-ին փոխանցվում է Հայաստանին:

ՀՀ վարչապետը, մասնավորապես, ասել է. «Անցած տարիների ընթացքում միությունն ապացուցեց իր կայացված լինելը. տնտեսական ցուցանիշներում արձանագրվել է դրական դինամիկա, ուստի անդամ երկրները պետք է առավելագույն ջանք ներդնեն ինստիտուցիոնալ բարեփոխումների շարունակության ու ակտիվացման համար: Առաջնահերթություններից առաջինն էներգետիկայի ոլորտն է, որը հիմքն է հավասար տնտեսական մրցակցության ապահովման համար։ Պետք է ակտիվ աշխատել այն ծրագրերի իրականացման ուղղությամբ, որոնք ուղղված են նավթամթերքի ու գազի ընդհանուր շուկաների, ինչպես նաև ընդհանուր էլեկտրաէներգետիկ շուկայի ձևավորմանը»:

Փաշինյանն իր ելույթում հույս է հայտնել, որ մեկ տարի անց ԵԱՏՄ-ն ավելի կոնսոլիդացված ու արդյունավետ է լինելու և ծառայելու է պետությունների տնտեսությունների շահերին: