Nissan-ի մեքենաները կկարողանան «տեսնել»՝ ինչ կա անկյուններից այնկողմ

Nissan ընկերությունը նախանշել է I2V (Invisible-to-Visible) նոր ավտոմոբիլային համակարգը, որը միավորում է իրական և վիրտուալ աշխարհները՝ հնարավորություն տալով տեսնել «անտեսանելին»:

Տեխնոլոգիայի պրեմիերան կկայանա հունվարի 7-ին՝ CES սպառողական ցուցահանդեսի ժամանակ:

I2V համակարգը կարողանում է միավորել տվիչների և ամպային պահոցի տեղեկատվությունը: Այսպիսով, այն կարողանում է ինչպես վերահսկել մեքենայի շուրջ տարածությունը, այնպես էլ կանխատեսել, թե ինչ է սպասում մեքենային առաջիկայում:

Օրինակ, համակարգը թույլ է տալիս վարորդին տեսնել այն, ինչը գտնվում է անկյան տակ, կամ էլ՝ հաջորդ խաչմերուկում, ինչպես նաև՝ տալ հուշումներ ճանապարհային նշանների և հետիոտնային անցումների մասին:

Ի լրումն այս ամենի, համակարգը կարող է հետևել վարորդի առողջական վիճակին և որոշել, թե երբ է նա օգնության կարիք զգում: