Երևան`   +6 °C
Այսօր`   Երեքշաբթի, 17 նոյեմբերի, 2026 թ.

Արոնյանը մոտ էր աշխարհի առաջնության մեդալ նվաճելուն

368
Կիրակի, 30 դեկտեմբերի, 2018 թ., 23:05
Արոնյանը մոտ էր աշխարհի առաջնության մեդալ նվաճելուն

Ավարտվեց կայծակնային շախմատի աշխարհի առաջնությունը: Արագ շախմատի մրցաշարի հարաբերական անհաջողությունից հետո աշխարհի չեմպիոն Մագնուս Կարլսենը ցույց տվեց փայլուն խաղ և 17 միավորով հռչակվեց կայծակնային շախմատի աշխարհի չեմպիոն: Մրցաշարում հիանալի խաղ ցույց տվեց նաև Լեհաստանի ներկայացուցիչ Յան-Քշիշտոֆ Դուդան, ով ամբողջ մրցաշարի ընթացքում հետապնդում էր չեմպիոնին և վերջում հաղթողին զիջեց միայն կես միավոր և դարձավ փոխչեմպիոն: Հիկարու Նակամուրան 2-րդ հորիզոնականը զբաղեցրած Դուդայից հետ մնաց 2 միավորով և արժանացավ բրոնզե մեդալի: Նմանատիպ պարգևի Նակամուրան արժանացել էր նաև արագ շախմատի մրցաշարում:

Մեդալ նվաճելուն շատ մոտ էր հայկական շախմատի առաջատար Լևոն Արոնյանը, ով 14 միավորով գրավեց 4-րդ հորիզոնականը: