Երևան`   +6 °C
Այսօր`   Երեքշաբթի, 17 նոյեմբերի, 2026 թ.

Լևոն Արոնյանը պահպանում է աշխարհի առաջնությունում մեդալ նվաճելու հնարավորությունը

325
Կիրակի, 30 դեկտեմբերի, 2018 թ., 14:30
Լևոն Արոնյանը պահպանում է աշխարհի առաջնությունում մեդալ նվաճելու հնարավորությունը

Սանկտ Պետերբուրգում մեկնարկեց կայծակնային շախմատի աշխարհի առաջնությունը: Մրցաշարը բաղկացած է 21 տուրից: Երեկ տեղի ունեցան 1-12-րդ տուրերը: Մրցաշարը հաջող էր մեկնարկել Լևոն Արոնյանը, ով 10-րդ տուրից հետո գլխավորում էր աղյուսակը, սակայն հայկական շախմատի առաջատարը 11-րդ տուրում պարտվեց Մագնուս Կարլսենին, իսկ 12-րդում՝ Անիշ Գիրիին: 12 տուրից հետո աղյուսակը 9,5-ական միավորով գլխավորում են Մագնուս Կարլսենը և Վլադիսլավ Արտեմևը: Լևոն Արոնյանն իր ակտիվում ունի 8 միավորով, գտնվում է 12-րդ հորիզոնականում, սակայն պահպանում է մեդալ նվաճելու հնարավորություն:
Ռոբերտ Հովհաննիսյանը և Հրանտ Մելքումյանը վաստակել են 7.5-ական, Տիգրան Պետրոսյանը և Գաբրիել Սարգսյանը՝ 7-ական, Արամ Հակոբյանը՝ 6.5, իսկ Վահե Դանիելյանը՝ 4 միավոր:
Կանանց մրցաշարը բաղկացած է 17 տուրից: Երեկ կայացան 1-9-րդ տուրերը: Աղյուսակը 7.5-ական միավորով գլխավորում են Եկատերինա Լագնոն և Սարասադատ Խադեմալսարեհը: Էլինա Դանիելյանը և Մարիա Գևորգյանը վաստակել են 5-ական, իսկ Լիլիթ Մկրտչյանը՝ 4.5 միավոր:
Այսօր տեղի կունենան մրցաշարերի եզրափակիչ պարտիաները: