Երևան`   +6 °C
Այսօր`   Երեքշաբթի, 17 նոյեմբերի, 2026 թ.

Մեկնարկում է արագ և կայծակնային շախմատի աշխարհի առաջնությունը

321
Չորեքշաբթի, 26 դեկտեմբերի, 2018 թ., 12:55
Մեկնարկում է արագ և կայծակնային շախմատի աշխարհի առաջնությունը

Դեկտեմբերի 26-ից 31-ը Ռուսաստանի Սանկտ-Պետերբուրգ քաղաքում տեղի կունենան արագ և կայծակնային շախմատի տղամարդկանց և կանանց աշխարհի առաջնությունները: Տղամարդկանց մրցաշարին մասնակցելու համար արդեն հայտավորվել են մասնակցելու 38 երկրների 190 շախմատիստ: Մրցաշարը հավաքել է բացառիկ ուժեղ կազմ: 190 մասնակիցներից 139 կրում են գրոսմայստերի տիտղոս: Առաջնությանը մասնակցելու է աշխարհի չեմպիոն Մագնուս Կարլսենը, աշխարհի գավաթակիր Լևոն Արոնյանը, աշխարհի նախկին չեմպիոն Վիշվանաթան Անանդը լավագույն 20 շախմատիստների ցանկում ընդգրկված գրեթե բոլոր շախմատիստները: Բացի Արոնյանից մրցաշարում Հայաստանը կներկայացնեն գրոսմայստերներ Վլադիմիր Հակոբյանը, Գաբրիել Սարգսյանը, Հրանտ Մելքումյանը, Տիգրան Լ. Պետրոսյանը, Ռոբերտ Հովհաննիսյանը, Արամ Հակոբյանը և Վահե Դանիելյանը:
Կանանց մրցաշարի մասնակցելու համար հայտավորվել են 22 երկրների 115 շախմատիստուհի: Այստեղ ևս մրցաշարին մասնակցում են գրեթե բոլոր ուժեղագույն շախմատիստուհիները՝ աշխարհի չեմպիոն Ցզյու Վենցզյունի գլխավորությամբ:
Մրցաշարում Հայաստանը կներկայացնեն գրոսմայստեր Էլինա Դանիելյանը, միջազգային վարպետ Լիլիթ Մկրտրյանը և կանանց միջազգային վարպետ Մարիա Գևորգյանը։