Երևան`   +11 °C
Այսօր`   Երեքշաբթի, 17 նոյեմբերի, 2026 թ.

«Պարտավոր ենք վերադարձնել հասարակության, ակումբների վստահությունը մեր հանդեպ». Արթուր Վանեցյանը հանդիպել է մրցավարների հետ

369
Ուրբաթ, 28 սեպտեմբերի, 2018 թ., 18:10
«Պարտավոր ենք վերադարձնել հասարակության, ակումբների վստահությունը մեր հանդեպ». Արթուր Վանեցյանը հանդիպել է մրցավարների հետ

Սեպտեմբերի 28-ին ՀՖՖ տեխնիկական կենտրոնում՝ Ֆուտբոլի ակադեմիայում ՀՖՖ նախագահ Արթուր Վանեցյանը հանդիպել է Հայաստանի Բարձրագույն և Առաջին խմբերի հանդիպումները սպասարկող մրցավարների հետ:

«Իմ հիմնական խնդրանքը, հորդորը, պահանջն է, որ դուք ձեր գործողություններում առաջնորդվեք բացառապես արդարության, ֆուտբոլի կանոնների պահպանման սկզբունքով: Պարտավոր ենք վերադարձնել հասարակության, ակումբների վստահությունը մեր հանդեպ: Նոր Հայաստանի հիմնական սկզբունքներից մեկը արդարության, փոխադարձ վստահության վերահաստատումն է և ֆեդերացիան՝ ձեր հետ միասին պարտավոր է այն իրականացնել նաեւ մեր ֆուտբոլում», - իր խոսքում մասնավորապես նշեց ՀՖՖ նախագահ Արթուր Վանեցյանը:

Հանդիպման ընթացքում քննարկվել են խաղերի սպասարկման, մրցավարների մարզահագուստի, մրցավարների վերապատրաստման և այլ ընթացիկ հարցեր: