Հայ ըմբիշները 3 ոսկե և 3 արծաթե մեդալով են վերադառնում Լեհաստանից
![]() Հայաստանի հունահռոմեական ոճի ըմբշամարտի հավաքականը 3 ոսկե ու 3 արծաթե մեդալ է նվաճել Լեհաստանում ավարտված միջազգային մրցաշարում: 55 կգ քաշային կարգում Նորայր Հախոյանը եզրափակչում 10:2 հաշվով հաղթել է բուլղարացի Նեդյալկո Պետրովին: Ոսկե մեդալակիր է դարձել նաև Սլավիկ Հայրապետյանը, ով 4:0 հաշվով առավելության է հասել բուլղարացի Նիկոլայ Վիչեւից։ 77 կգ քաշային կարգի եզրափակչում հանդիպել են Կարապետ Չալյանն ու Արսեն Ջուլֆալակյանը։ Չալյանը 3:1 հաշվով պարտության է մատնել Ջուլֆալակյանին։ 60 կգ քաշային Գևորգ Ղարիբյանն (60 կգ) արծաթե մեդալակիր է դարձել։ Հայ ըմբիշը 2:10 հաշվով զիջել է չին Էրբատո Տուոյին։ 67 կգ քաշային Կարեն Ասլանյանը ևս արծաթե մեդալակիր է դարձել։ Նա 3:7 հաշվով պարտություն է կրել Լեհաստանի ներկայացուցիչ Գևորգ Սահակյանից: Բրոնզե մեդալի համար պետք է պայքարեր նաև Ռիո-2016-ի օլիմպիական խաղերի ոսկե մեդալակիր, աշխարհի եռակի ու Եվրոպայի քառակի չեմպիոն Արթուր Ալեքսանյանը։ Նա բրոնզե մեդալը պետք է վիճարկեր Իտալիան ներկայացնող Նիկոլոս Կախիլաշվիլու հետ, սակայն վնասվածքի պատճառով Ալեքսանյանը չի ներկայացել գոտեմարտին: 97 կգ քաշային կարգում Ալեքսանյանը 2 հաղթանակներից հետո կիսաեզրափակչում տուշեով պարտվել էր ԱՄՆ-ի ներկայացուցիչ Թրեյսի Հենքոկին։ Վերջինս դաձել է մրցաշարի ոսկե մեդալակիր։ |

Լատվիա-Հայաստան՝ 0:0. մեր հավաքականի դարպասապահը՝ լավագույն խաղացող
210Երեկ, 21:12
Տիգրան Հարությունյանը հաղթել է թուրք մրցակցին ու դարձել քիքբոքսինգի Եվրոպայի չեմպիոն
19014.11.2026, 19:42
Հայկ Մարտիրոսյանը հաղթել է շախմատի աշխարհի հնգակի չեմպիոն Մագնուս Կարլսենին (տեսանյութ)
18914.11.2026, 00:30
Հայաստանն ու Կիպրոսը ոչ ոքի խաղացին
19312.11.2026, 23:24
Վահե Սուքիասյանը՝ շախմատի Եվրոպայի մինչև 18 տարեկանների կրկնակի չեմպիոն
17012.11.2026, 18:54
Գևորգ Ղազարյանն առաջադրվել է ՀՖՖ նախագահի պաշտոնում (տեսանյութ)
17910.11.2026, 12:42
