Գվատեմալայում 62 մարդու կյանք խլած հրաբխի ժայթքման հետևանքները (տեսանյութ)

Գվատեմալայում, ինչպես հայտնել ենք, ժայթքել է Ֆուեգո հրաբուխը, որի զոհն է դարձել առնվազն 62 մարդ, վիրավորվել է ավելի քան 300-ը: Ավելի վաղ տեղական ԶԼՄ-ները հաղորդում էին 56 զոհի մասին: Լրջորեն տուժել է 4 բնակավայր, երկրի իշխանությունները հայտնել են 3000 մարդու տարհանման մասին:

ԱՄՆ Երկրաբանական ծառայության տվյալներով՝ Գվատեմալայի ափերին տեղի է ունեցել 5,2 մագնիտուդ հզորությամբ երկրաշարժ: Ստորգետնյա ցնցումների էպիկենտրոնը գտնվել է Չամպերիկո քաղաքից հարավ արևմուտք:

Հրաբխի ժայթքումը տեղի է ունեցել կիրակի օրը, տուժել է ավելի քան 2 միլիոն մարդ, փակվել է Գվատեմալայի մայրաքաղաքի Աուրորա միջազգային օդանավակայանը: