Թրամփը պաշտոնանկ է արել ազգային անվտանգության հարցերով խորհրդականին

ԱՄՆ նախագահ Դոնալդ Թրամփը Twitter-ի իր էջում հայտնել է ազգային անվտանգության հարցերով խորհրդականի պաշտոնից Հերբերթ Մքմասթերին ազատելու մասին, հաղորդում է time.com-ը:

Նոր խորհրդական է նշանակվել ՄԱԿ-ում ԱՄՆ նախկին ներկայացուցիչ Ջոն Բոլթոնը:

«Ես շնորհակալ եմ Հերբերթ Մքմասթերին իր ծառայության համար, նա բացառիկ աշխատանք կատարեց և ընդմիշտ կմնա իմ ընկերը»,- գրել է Թրամփը:

Մեկ այլ գրառման մեջ ԱՄՆ նախագահը խոսել է ազգային անվտանգության հարցերով նոր խորհրդականի նշանակման մասին.

«Ուրախ եմ հայտնել, որ Ջոն Բոլթոնը կդառնա ազգային անվտանգության հարցերով իմ նոր խորհրդականը»:

Նա նաև հայտնել է, որ Բոլթոնն այդ պաշտոնին պաշտոնապես կնշանակվի ապրիլի 9-ին: