Երևան`   +11 °C
Այսօր`   Երեքշաբթի, 17 նոյեմբերի, 2026 թ.

Սերբիայի ազգային հավաքականի թեկնածու դարպասապահը հանդես կգա «Ալաշկերտ»-ի կազմում

380
Երեքշաբթի, 13 փետրվարի, 2018 թ., 14:25
Սերբիայի ազգային հավաքականի թեկնածու դարպասապահը հանդես կգա «Ալաշկերտ»-ի կազմում

«Ալաշկերտ»-ը շարունակում է ակտիվորեն աշխատել տրանսֆերային շուկայում՝ զգալիորեն ուժեղացնելով բոլոր խաղային դիրքերը: Ակումբի ղեկավարությունը 1.5 տարվա պայմանագիր է ստորագրել Սերբիայի ազգային հավաքականի թեկնածու դարպասապահ Օգնյեն Չանչարևիչի հետ, ում ծառայություններով «Ալաշկերտ»-ը վաղուց է հետաքրքրված եղել: Բարձրահասակ դարպասապահն ամբողջ կարիերայի ընթացքում հանդես է եկել հայրենիքում՝ պաշտպանելով Բարձրագույն խմբի «Ռադնիչկի», «Սլոբոդա», ՕՖԿ, «Մլադոստ» թիմերի գույները: Չանչարևիչի նախորդ ակումբը Սերբիայի Սուպերլիգան ներկայացնող «Ռադնիկն» էր, որի կազմում նա ընթացիկ առաջնությունում 21 հանդիպման է մասնակցել: Փորձառու դարպասապահն, ով իր ակտիվում 142 հանդիպում ունի Սերբիայի Բարձրագույն խմբի առաջնությունում, հրավիրվել էր ազգային հավաքական նախորդ տարվա հունվարին կայացած՝ ԱՄՆ-ի հավաքականի հետ ընկերական խաղին: