Երևան`   +11 °C
Այսօր`   Երեքշաբթի, 17 նոյեմբերի, 2026 թ.

Ձյուդոյի Հայաստանի հավաքականը կմասնակցի մի քանի միջազգային մրցաշարի

341
Երեքշաբթի, 30 հունվարի, 2018 թ., 12:15
Ձյուդոյի Հայաստանի հավաքականը կմասնակցի մի քանի միջազգային մրցաշարի

Ձյուդոյի մեծահասակների հավաքականը նախապատրաստական ուսումնամարզական հավաք է անցկացնում օլիմպավանում՝ առաջիկայում կայանալիք մի քանի միջազգային մրցաշարի մասնակցելուն ընդառաջ: Մեր հավաքականը կմասնակցի փետրվարի 10-ից 11-ը Փարիզում կայանալիք «Մեծ սաղավարտ», փետրվարի 17-ից 18-ը Ավստրիայի Օբերվարտ քաղաքում կայանալիք «European Judo Open Men», Համբուրգում անցկացվելիք միջազգային ուսումնամարզական հավաքի և փետրվարի 23-ից 25-ը Դյուսելդորֆում կայանալիք «Գրան Պրի»: Մինչ օլիմպավանում ուսումնամարզական հավաքը, գլխավոր մարզիչ Արմեն Նազարյանը մասնակցել էր Ձյուդոյի միջազգային ֆեդերացիայի կողմից կազմակերպված և Ավստրիայի Միտերսիլ քաղաքում անցկացված մարզչական և մրցավարական սեմինարին, որտեղից բերված դիդակտիկ նյութերով հունվարի 28-ին անցկացվեց սեմինար նաև ֆեդերացիայի մարզիչների համար: Սեմինարի հիմնական թեման մրցավարական նոր կանոններն են, որոնք գործում են արդեն 2018 թվականի հունվարի 1-ից: Մանրամասն ցուցադրվեցին նոր կանոնները պարզաբանող նյութեր, որոնցով պետք է առաջնորդվեն մարզիչները՝ ձյուդոիստների հետ իրենց ամենօրյա աշխատանքում:

Ձյուդոյի Հայաստանի հավաքականը կմասնակցի մի քանի միջազգային մրցաշարի
Ձյուդոյի Հայաստանի հավաքականը կմասնակցի մի քանի միջազգային մրցաշարի