ԵԽԽՎ-ն նոր նախագահ է ընտրել

Իտալացի պատգամավոր Միքելե Նիկոլետին ընտրվել է ԵԽԽՎ նախագահ այսօր բացված ձմեռային նստաշրջանի շրջանակներում: Այս մասին ասվում է ԵԽԽՎ-ի կայքում:

Նշենք, որ որ նա այդ պաշտոնի համար առաջադրված միակ թեկնածուն էր:

Նիկոլետին ԵԽԽՎ անդամ է 2013-ից, 2014-ից գլխավորում է ԵԽԽՎ-ում իտալական պատվիրակությունը, իսկ 2016-ից՝ սոցիալիստների գլխավոր խումբը:

Հիշեցնենք, որ անցած տարվա հոկտեմբերի 6-ին Պեդրո Ագրամունտը հայտարարեց ԵԽԽՎ նախագահի պաշտոնն ինքնակամ լքելու մասին՝ կապված առողջական վիճակի հետ:

«Անձամբ ճանաչելով Նիկոլետտիին, վստահորեն կարող եմ փաստել, որ նման սկզբունքային, լուրջ, օբյեկտիվ, արդար և խիստ հավասարակշռված մարդը բարձր է պահելու Վեհաժողովի վարկանիշը։

Բարձր դասելով ժողովրդավարական սկզբունքները, Նիկոլետտին առաջիններից մեկն էր, որ ընդվզեց կոռուպցիայի մեջ թաղված Ագրամունտի դեմ, նախաձեռնելով Վեհաժողովի առողջացմանն ու ինքնամաքրմանը տանող մի շարք քայլեր»,- ֆեյսբուքյան իր էջում գրել է Նաիրա Կարապետյանը: