Կասկածելի հանգամանքներում մահացած են գտել կանադացի միլիարդատիրոջն ու նրա կնոջը

Կանադայի Տորոնտո քաղաքում իրենց տանը մահացած են գտել «Ապոտեքս» դեղագործական կորպորացիայի հիմնադիր Բարի Շերմանին և նրա կնոջը:

CBC հեռուստաալիքի տեղեկություններով՝ Տորոնտոյի ոստիկանությունը դեպքի հանգամանքները կասկածելի է համարում: Նշվում է, որ ամուսինների մարմինները հայտնաբերել է մեկը, ով ընտանիքի անդամ չի հանդիսանում:

Թե ինչն է դարձել Շերմանի և նրա կնոջ մահվան պատճառը, չի հաղորդվում:

Բարի Շերմանը հիմնադրել է «Ապոտեքս» ընկերությունը 1974թ., և այդ ժամանակահատվածից զբաղվել դեղամիջոցների արտադրությամբ և արտահանել ավելի քան 115 երկիր: Նոյեմբերին «Canadian business» ամսագիրը նրան ներառել էր երկրի ամենահարուստ մարդկանց ցուցակում: