«Շինծու մեղադրանքներով վարկաբեկում են․ մարդկանց սիրտն ուղղակի չի դիմանում»․ Արեգա Հովսեփյան

«Այն լռությունը, որ կա այսօր, հիմնավորված չէ և մենք առաջարկում ենք ԵՄ-ին բարձրաձայնել այն, ինչ տեղի է ունենում Հայաստանում»,- ԵՄ երևանյան գրասենյակի դիմաց «Ուժեղ Հայաստան» դաշինքի կազմակերպած ակցիայի ժամանակ ասել է «Ուժեղ Հայաստան» խմբակցության պատգամավոր Արեգա Հովսեփյանը։ «Մենք հերթական անգամ ականատեսն ենք լինում, որ կալանավայրում մահանում է ընդդիմադիր գործիչ և ամենակարևոր հարցն այն է, թե նա ինչու էր այնտեղ․ նա այնտեղ էր, որովհետև ընդդիմադիր քաղաքակական հայացքներ ուներ։ Ապօրինի, շինծու մեղադրանքներով մարդուն վարկաբեկում են, մարդու պատվի ու համբավի հետ են խաղում․ մարդկանց սիրտն ուղղակի չի դիմանում այս ամենին»,- նշել է ընդդիմադիր պատգամավորը։