«Արդեն 3-րդ անգամն է՝ կալանքից ազատվում է «Չաղ Ռուստամը»»․ լրագրողը՝ Արփինե Սարգսյանին

«ՀՀ-ում կա Մասիս Մելքոնյան անուն-ազգանունով մի դատավոր, ով արդեն 3-րդ անգամն է՝ կալանքից ազատում է «Չաղ Ռուստամ» մականունով հայտնի անձին։ Դուք, որպես նաև հանցագործություն կանխող կառույցի ղեկավար, դիմե՞լ եք ձեր գործընկեր այլ կառույցների ղեկավարների, ձեր մտահոգությունը հայտնե՞լ եք ենթադրյալ այլ հանցագործությունների հետ կապված, որը կարող է իրականացրել «Չաղ Ռուստամ»-ը»,- ճեպազրույցի ժամանակ լրագրողը դիմեց ՆԳ նախարար Արփինե Սարգսյանին։
«Ես որևէ միջամտություն չեմ կարող ունենալ ոչ դատական համակարգի, ոչ մնացած գործընկերների պրոցեսներին։ Ինքս մտահոգիչ եմ համարում այն դեպքերը, երբ ունենում ենք կալանքի կիրառում, հետո ազատում, նորից կալանքի կիրառում, հատկապես այնպիսի խմբի անձանց մասով, ովքեր ծանր կամ առավել ծանր հանցագործություն են կատարել։ Որպես գերատեսչության ղեկավար, այո՛, օպերատիվ տեսանկյունից խնդրահարույց է ինձ համար, բայց չեմ կարող մտնել դատավորի գործառույթի տիրույթ և հասկանալ ճիշտ է վարվել, թե ոչ»,- պատասխանել է նախարարը։