«Կայսրության դեմ խոսողների համար սրբության սրբոց են նույն այդ կայսրության գծած քարտեզները»․ Վարդան Ոսկանյան

Իրանագետ Վարդան Ոսկանյանը ֆեյսբուքյան էջում գրել է․ «Մեր իրականության մեջ մի «պարադոքս» կա. կայսրության դեմ (կարդա՝ Ռուսաստան, ԽՍՀՄ) և անպայման ինքնիշխանությունից անընդմեջ խոսողների համար սրբության սրբոց են նույն այդ կայսրության, ցանկալի է հատկապես դրա ԶՈւ ԳՇ-ի գծած քարտեզները։
Ըստ այդմ՝ միակ «իրական» Հայաստանը, մի հինգ անգամ էլ պետք է կրկնել «ինքնիշխան» բառը, հենց այն է, որի սահմանները նախանշել է նույն այդ կայսրությունը։
Մինչդեռ հետանկախության Հայաստանի ամենաինքնիշխան քայլը, թերևս, Արցախի ազատագրումն էր, քանի որ դրանով հենց մենք էինք նախանշել մեր սահմանները»։