«ՀՀ-ի մակարդակն իջեցրել եք մինչև պրոդյուսերական ընկերության աստիճանի»․ Ոսկան Սարգսյան

Լրագրող Ոսկան Սարգսյանը ֆեյսբուքյան իր էջում գրել է․ «Նիկոլ Փաշինյանը Ֆեյսբուքում գրել է, որ ՀՀ-ն դիրքավորվում է միջազգային բարձր կարգի միջոցառումները բարձր մակարդակով կազմակերպող երկիր։ Որ COP 17-ի համար պետբյուջեից 30 միլիոն դոլար քերեք, բարձր մակարդակի միջոցառում կարող եք կազմակերպել։ Նիկոլ Փաշինյանի իշխանության պատճառով ՀՀ-ն միջազգային մակարդակում դիրքավորվել է որպես անողնաշար, այլ երկրների արտաքին քաղաքականության օբյեկտ դարձած, ընտրություններ կեղծող, իրավական խտրականության, զարգացման տեսլականից զուրկ, դաշնակիցներ չունեցող երկիր։ ՀՀ-ի մակարդակը իջեցրել եք մինչև Ջենիֆեր Լոպեսի համերգը, տարբեր միջոցառումներ կազմակերպողի, այսինքն՝ պրոդյուսերական ընկերության աստիճանի։ Ինչ էլ պարծենալու բան է»։