«ԵՄ ճակատագիրն ընդամենը երկու պետությունների ձեռքում է` Գերմանիայի և Ֆրանսիայի»․ Արա Պողոսյան

Քաղաքագետ Արա Պողոսյանի ֆեյսբուքյան գրառումը. «Ամեն դեպքում Եվրոպան փոխվում է և դեռ ավելին է փոխվելու:
Եվրոպական Միության ճակատագիրը ընդամենը երկու պետությունների ձեռքում է՝ Գերմանիայի և Ֆրանսիայի:
Գերմանիայում և Ֆրանսիայում աջ կողմնորոշման ուժերը ընդլայնում են իրենց ազդեցությունը և հնարավոր է, որ այս երկրներում աստիճանաբար աջերը կգան իշխանության: Դա նշանակում է Ֆրանսիայում և Գերմանիայում ազգային օրակարգերի դոմինանտություն և ԵՄ-ին տրվող քաղաքական նշանակության նվազում:
Կոլեկտիվ անվտանգության համակարգին զուգահեռ կամ գուցե առավել ազգային անվտանգության համակարգին կտրվի մեծ ռեսուրսներ և Գերմանիան ու Ֆրանսիան կձգտեն հին աշխարհամասը վերադարձնել համաշխարհային ազդեցության վերաբաժանման մրցասպարեզ, որտեղ՝ նախ կբաժանվեն ազդեցության գոտիները հենց հին աշխարհամասում»։
ԵՄ-ն չի մնա այն տեսքով, ինչպիսին կա: Այն ապագայի երկու հեռանկար ունի՝ ավարտել իր պատմական առավելությունը, կամ աստիճանաբար դառնալ միութենական պետություն՝ առաջնահերթ ռազմական և քաղաքական բաղադրիչներով:
Աշխարհը վերադառնում է իր իրական բնույթին, որտեղ չեն կարող լինել համաշխարհային կառավարություններ կամ համաշխարհային հիերարխիա, այլ անարխիկ հարաբերություններ, պետությունների միջև ուղղահայաց և հորիզոնական փոխհարաբերություններ՝ կախված նրանց կշռից և հնարավորություններից:
Մի խոսքով՝ ավելի վայրի, բայց ավելի հետաքրքիր աշխարհ»։