Թրամփը Սի Ծինփինին դիմավորելու համար կխախտի շուրջ 60 տարի պահպանվող արարողակարգը

ԱՄՆ նախագահ Դոնալդ Թրամփն անձամբ կդիմավորի Չինաստանի նախագահ Սի Ծինփինին «Էնդրյուս» ավիաբազայում՝ խախտելով շուրջ 60 տարի պահպանվող արարողակարգը, գրում է Financial Times-ը։

«Սա կլինի առաջին դեպքը, երբ ԱՄՆ-ի գերագույն գլխավոր հրամանատարն անձամբ է օտարերկրյա առաջնորդին դիմավորում այդ բազայում՝ 1962 թվականին Ջոն Քենեդիի՝ Մեծ Բրիտանիայի վարչապետ Հարոլդ Մակմիլանի հետ թռիչքուղում հանդիպումից ի վեր»,- ասվում է հրապարակման մեջ։ Թերթը նշում է, որ այս ժեստը խորը հարգանքի դրսևորում կլինի։

Նշենք, որ ԱՄՆ-ում պետական այցերի դեպքում պաշտոնական դիմավորման արարողությունը սովորաբար տեղի է ունենում Սպիտակ տանը։ Սի Ծինփինի՝ ԱՄՆ եռօրյա պետական այցը սկսվում է այսօր։ Բանակցությունների ընթացքում կողմերը նախատեսում են քննարկել մաքսատուրքերի շուրջ ձեռք բերված ժամանակավոր համաձայնության երկարաձգումը, առևտուրը, կարևոր նշանակություն ունեցող հանքանյութերի մատակարարումները և արհեստական բանականության կիրառումը։