«Ջիգանը կրակոցներ է արձակել իր տանը և 9 ժամ պատանդ պահել սպասարկող անձնակազմին»․ #Mash

Ռեփեր Ջիգանը կրակոցներ է արձակել Մերձմոսկվայում գտնվող իր մասնավոր տանը և 9 ժամ շարունակ պատանդ պահել սպասարկող անձնակազմին ու անվտանգության աշխատակիցներին։ Այս մասին հայտնում է Mash թելեգրամյան ալիքը։

Ալիքի տեղեկություններով՝ ամեն ինչ տեղի է ունեցել հուլիսի 4-ի գիշերը։ Ջիգանը հյուրասենյակում հավաքել է սպասարկող անձնակազմին։ Նա հայտարարել է, որ իր շուրջը բոլորը թշնամիներ են, ովքեր իբր ցանկանում են սպանել իրեն, և հավաքվածներից պահանջել է խոստովանել իրենց կատարած «հանցագործությունները»։ Ռեփերը անվտանգության աշխատակիցներից մեկին մեղադրել է մանկապղծության մեջ, ստիպել է տղամարդուն «խոստովանել» և մի քանի անգամ կրակել է նրա ուղղությամբ։ Սպասարկող անձնակազմին երգիչը մեղադրել է իր անձնական տվյալները տարածելու մեջ, թույլ է տվել նրանց փախչել, ապա կրակ է բացել։

Նշվում է, որ ռեփերի երեխաները հասցրել էին թաքնվել և զանգահարել մորը։ Դեպքի վայր ժամանած ոստիկանությանը հաջողվել է նրան զինաթափել։ Հաղորդվում է, որ ռեփերն այժմ գտնվում է Իսրայելի վերականգնողական կենտրոններից մեկում։