«Նախարարությունը պատրաստվո՞ւմ է վերանայել պատմական Հայաստանին առնչվող բովանդակությունը դպրոցական դասագրքերում»․ հարց՝ Ժաննա Անդրեասյանին

«Նախարարությունը պատրաստվո՞ւմ է վերանայել պատմական Հայաստանին առնչվող բովանդակությունը դպրոցական դասագրքերում, օրինակ՝ Արևմտյան Հայաստան, Արարատ հասկացությունների կիրառման ձևը, հնարավո՞ր է դրանք փոխարինվեն, սահմանափակվեն և շեշտը դրվի Հայաստանի Հանրապետության վրա»,- ասուլիսի ժամանակ լրագրողը հարց ուղղեց ԿԳՄՍ նախարար Ժաննա Անդրեասյանին։ «Մեր պատմությունը՝ մեր պատմությունն է, և պատմության ուսուցանումն այս հանգամանքներում և այս իրողություններում մենք ոչ թե պետք է կրճատենք, ձևափոխենք, այլ ընդհակառակը, պետք է իրականացնենք էլ ավելի մանրամասն ու մանրակրկիտ և պետք է մեր պատմությունն իմանանք իր բոլոր շերտերով։ Այս պարագայում որևէ բովանդակության կրճատման մասին խոսելն իմաստազուրկ է»,- նշեց նախարարը՝ հավելելով․ «Մենք մեր պատմությանը պետք է նայենք այսօրվա Հայաստանի դիրքից և պետք է կարողանանք վերլուծել մեր պատմությունը՝ տեսնելով, թե ինչպես են դրա տարբեր դրվագները դեր խաղացել պետականության կորստի կամ ամրապնդման համար»։