«Սա մի պարզ պատճառով է տեղի ունենում․ առաջիկայում Փաշինյանը ցավոտ զիջումներ է իրականացնելու»․ Ագնեսա Խամոյան

«Տեղի ունեցող գործընթացը Նիկոլ Փաշինյանի անձնական վրեժխնդրությունն է Ռոբերտ Քոչարյանի նկատմամբ, քաղաքական հաշվեհարդար է»,- այս մասին Հակակոռուպցիոն դատարանի բակում, որտեղ քննվում է ՀՀ երկրորդ նախագահ Ռոբերտ Քոչարյանի կալանավորման հարցը, լրագրողների հետ զրույցում նշեց պատգամավոր Ագնեսա Խամոյանը։

«Նիկոլ Փաշինյանը ԱԺ բարձր ամբիոնից հրահանգ է իջեցրել իրավապահ մարմինների ներկայացուցիչներին, և դրան հաջորդել են այն գործողությունները, որոնք իրականացվել են Ռոբերտ Քոչարյանի առանձնատանը և Լևոն Քոչարյանի բնակարանում, և դրան հաջորդել են Դատախազության և Հակակոռուպցոն կոմիտեի համապատասխան հաղորդագրությունները։

Բայց ես ուզում եմ հանրության ուշադրությունը այլ հարցի վրա կենտրոնացնել, թե ինչով են պայմանավորված և՛ նախընտրական շրջանում, և՛ հիմա առկա հետապնդումներն ու դրանց սաստկացումները քաղաքական հիմնական դերակաարների նկատմամբ․․․ Սա շատ պարզ մի պատճառով է տեղի ունենում․ առաջիկայում Նիկոլ Փաշինյանը ցավոտ զիճումներ է իրականացնելու», - ընդգծեց ընդդիմադիր պատգամավորը։